जनकपुरधाम, माघ ६ गते । नेविसंघका विद्यार्थीहरुले राजर्षि जनक विश्वविद्यालयका उपकुलपति प्रो. डा. अमर प्रसाद यादवको पुत्ला दहन गरेका छन् । उपकुलपति यादवसँगै क्याम्पस प्रमुख डा. सरोज ठाकुरको मिलोमतोमा स्ववियू सभापतिलाई उचालेर नेपाली कांग्रेसका सभापति शेरबहादुर देउवा र पूर्वउपसभापति विमलेन्द्र निधिको तस्बिर जलाइएको भन्दै विरोधस्वरुप नेविसंघ पनि पुत्ला जलाएको हो ।
