काठमाडौं, १७ चैत – एनआईसी एशिया बैंक लिमिटेडले चैत २५ गतेदेखि ‘७ प्रतिशत एनआईसी एशिया डिबेन्चर २०९१’ नामक ऋणपत्र बिक्री खुला गर्ने भएको छ। बैंकले ५ अर्ब रुपैयाँ बराबरको ५० लाख कित्ता ऋणपत्र जारी गर्नेछ, जसका लागि नेपाल धितोपत्र बोर्डबाट चैत १३ गते स्वीकृति प्राप्त भइसकेको छ।
बैंकले जारी गर्ने ऋणपत्रमध्ये ६०% (३० लाख कित्ता) व्यक्तिगत तवरबाट र ४०% (२० लाख कित्ता) सर्वसाधारणलाई बिक्री गरिनेछ। त्यसमध्ये १ लाख कित्ता सामूहिक लगानी कोषका लागि छुट्याइएको छ।
१० वर्षे अवधिको यस ऋणपत्रमा वार्षिक ७ प्रतिशत ब्याजदर तोकिएको छ। इच्छुक लगानीकर्ताहरूले न्यूनतम २५ कित्ता र अधिकतम २५ लाख कित्तासम्म आवेदन दिन सक्नेछन्। आवेदन दिने अन्तिम मिति चैत २८ गते तोकिएको छ, तर यदि सो अवधि भित्र आवश्यक आवेदन नपरेमा वैशाख ८ गतेसम्म लम्ब्याइनेछ।
यस ऋणपत्रको निष्कासन तथा बिक्री प्रबन्धक प्रभु क्यापिटल लिमिटेड रहेको छ।
