काठमाडौं, १३ वैशाख — परम्परागत गन्तव्य प्रवर्द्धनको ढाँचाबाट बाहिरिँदै नेपालले आफ्ना राष्ट्रिय निकुञ्जहरूलाई विश्व पर्यटन बजारमा सशक्त रूपमा प्रस्तुत गरेको छ।
‘रेयर, रिमार्केबल एन्ड रेस्पोन्सिबल’ नारासहित Wild Nepal Safari Mart 2026 चितवनको Meghauli मा वैशाख ११ देखि १३ गते (अप्रिल २४–२६, २०२६) सम्म सम्पन्न भएको हो।
Nepal Tourism Board को आयोजनामा Bharatpur Metropolitan City र Regional Hotel Association Nepal Chitwan को सहकार्यमा सम्पन्न मार्टमा भारत, बंगलादेश, थाइल्यान्ड, टर्की र जर्मनीबाट ३० भन्दा बढी विदेशी सहभागी रहेका थिए।
अन्तर्राष्ट्रिय खरिदकर्ता, संरक्षणविद् तथा पर्यटन व्यवसायीहरूको सहभागिताले कार्यक्रमलाई अन्तर्राष्ट्रिय स्वरूप दिएको थियो। वन्यजन्तु संरक्षण र पर्यटनलाई केन्द्रमा राख्दै आयोजित मार्टमा बीटुबी बैठक, स्थलगत भ्रमण तथा सांस्कृतिक प्रस्तुति समावेश गरिएका थिए।
कार्यक्रमले स्वदेशी तथा विदेशी सहभागीबाट सकारात्मक प्रतिक्रिया प्राप्त गर्दै नेपालको वन्यजन्तु पर्यटन प्रवर्द्धनमा महत्वपूर्ण योगदान पुर्याएको आयोजकले जनाएको छ।
