नयाँ दिल्ली नेपालका पूर्वप्रधानमन्त्री बाबुराम भट्टराईले युवाहरूको नेतृत्वमा नेपालले तीव्र विकास हासिल गर्न सक्ने बताएका छन्।
NXT 2026 Global Summitका क्रममा New Delhiमा आयोजित ‘प्राइम मिनिस्टेरियल राउण्ड टेबल’ सत्रलाई सम्बोधन गर्दै भट्टराईले नयाँ पुस्ताको नेतृत्व उदाएसँगै नेपाललाई तीव्र आर्थिक तथा सामाजिक विकासतर्फ अघि बढाउन सकिने विश्वास व्यक्त गरे।
उनले राजनीतिक परिवर्तन र प्रविधिमा बढ्दो पहुँचका कारण नेपालसँग अब विश्वसँगै अघि बढ्ने अवसर रहेको बताए। इन्टरनेट, कृत्रिम बुद्धिमत्ता लगायत आधुनिक प्रविधिको विस्तारले नयाँ पुस्तालाई सशक्त बनाएको र यसले परम्परागत राजनीतिक संरचनालाई चुनौती दिँदै नेतृत्वमा आउने वातावरण सिर्जना गरेको उनको भनाइ थियो।
भट्टराईले नेपालले आफूलाई दुई ठूला छिमेकीबीच ‘फसेको देश’का रूपमा नभई India र China जस्ता उदीयमान अर्थतन्त्रलाई जोड्ने गतिशील पुलका रूपमा विकास गर्नुपर्नेमा जोड दिए। दुवै देशसँग सन्तुलित सम्बन्ध कायम राख्दै बदलिँदो भू–राजनीतिक परिस्थितिअनुसार नेपालले आफ्नो कूटनीति अगाडि बढाउनुपर्ने उनले बताए।
उनका अनुसार प्रविधिको तीव्र विकास र चौथो औद्योगिक क्रान्तिको समयमा राजनीतिक सोचमा पनि परिवर्तन आवश्यक छ। परम्परागत प्रतिनिधिमूलक लोकतन्त्रलाई थप सहभागितामूलक र समावेशी प्रणालीतर्फ विकास गर्नुपर्ने आवश्यकता रहेको उनले उल्लेख गरे।
