काठमाडौं ।
दैनिक जीवनमा हामीले के खाइरहेका छौँ भन्ने कुरा केवल पेट भर्न मात्र होइन, हाम्रो समग्र स्वास्थ्य र मानसिक अवस्थामा सुधारमा प्रत्यक्ष प्रभाव पार्छ। विशेषज्ञका अनुसार खानपानमा गरिएको छनोटले शरीर र मस्तिष्क दुवैको स्वास्थ्यमा असर पुर्याउँछ।
अध्ययन र पोषण विज्ञहरूको सुझावअनुसार, सन्तुलित आहार आवश्यक पोषक तत्वहरू प्रदान गर्दै शरीरलाई ऊर्जावान राख्छ। फलफूल, तरकारी, पर्याप्त प्रोटिन र क्याल्सियमयुक्त आहारले हड्डी, मस्तिष्क र पचनतन्त्रलाई मजबुत बनाउँछ। त्यस्तै, प्रशोधित तथा जंक फुडबाट टाढा रहनु स्वास्थ्यका लागि उत्तम मानिन्छ।
विशेषज्ञहरूले बताए अनुसार, सन्तुलित आहारमा भिटामिन, खनिज, एन्टिअक्सिडेन्ट र आवश्यक म्याक्रोन्युट्रिएन्टहरूको सही सन्तुलन हुनु जरुरी छ। यसमा फाइबरयुक्त अंकुरित अन्न, हरियो तरकारी, पर्याप्त पानी र कम चिनीयुक्त खानेकुरा समावेश गर्न सुझाइएको छ।
आहारले काम गर्ने, हिँड्ने, सोच्ने र शरीरको मर्मत गर्न इन्धनको काम गर्छ। तर स्वस्थ रहनका लागि मात्र होइन, मानसिक स्वास्थ्य सुधारका लागि पनि बुद्धिमानीपूर्वक खानपान गर्नु आवश्यक रहेको विशेषज्ञको भनाइ छ।
सन्तुलित आहारका फाइदाहरूमा तौल नियन्त्रण, रोग प्रतिरोधी क्षमता बढ्नु, ऊर्जा स्तरमा सुधार, तनाव कम हुनु र पाचन प्रक्रियामा सुधार हुनु समावेश छन्। विशेष गरी बच्चाहरूमा उचित पोषणले एकाग्रता, स्मृति र शैक्षिक प्रदर्शनमा सुधार ल्याउन मद्दत गर्छ।
अन्त्यमा, बेमौसम र रासायनिकले भरिएका खानेकुरा जस्ता चीजहरूबाट टाढा रहन सुझाव दिइएको छ। सिजनल तथा स्थानीय खाना रोज्नु स्वास्थ्यका लागि लाभदायक हुन्छ।
