स्ट्रेट अफ होर्मुजमा बुधबार थाइल्याण्डको ‘मयूरी नारी’ जहाजमा अज्ञात प्रहार भएको छ। यो जहाज भारतको गुजराततर्फ इन्धन लिएर जातिरहेको थियो। प्रहारपछि जहाजमा भयंकर आगलागी भयो र यसको सञ्चालन ठप्प भयो। घटना ओमानको समुद्री तटको करिब ११ नटिकल माइल उत्तरमा भएको बताइएको छ।
भारतले आफ्नो ठूलो हिस्सा कच्चा तेल र ग्यास साउदी अरब, इराक, कुवेत र यूएईबाट होर्मुज स्ट्रेटमार्फत् आयात गर्छ। यही समुद्री मार्ग खतरनाक बनेपछि भारतको ऊर्जा सुरक्षा र आयातमा ठूलो प्रभाव परेको समाचारमा जनाइएको छ। होर्मुज स्ट्रेट बन्द भए/खतरामा परेपछि जहाजहरूलाई वैकल्पिक मार्ग प्रयोग गर्नुपर्ने र त्यसले समय, लागत र बीमा शुल्क बढ्ने बताइएको छ।
मध्यपूर्वमा बढेको तनाव र इरान तथा अन्य पक्षको युद्धका कारण होर्मुज स्ट्रेटमा आक्रमणहरू तीव्र भएको भनिएको छ। यसले विश्वभर तेल र ग्यास आपूर्ति प्रभावित भएको र तेलको मूल्य पनि भारी बढेको संकेत देखिएको छ।
