बेथानचोकको गजराम पर्वतमा सूर्योदयको मनमोहक दृश्य
काभ्रेपलान्चोक जिल्लाको बेथानचोक गाउँपालिका क्षेत्रमा पर्ने समुद्र सतहबाट ३,०१२ मिटर उचाइको गजराम पर्वत प्रकृति र साहसिक पर्यटनको आकर्षक गन्तव्य बन्दै गएको छ।
चिसो जाडो मौसममा बिहान सबेरै उठ्दा सूर्यको पहिलो किरणले कुहिरो चिर्दै फैलिने उज्यालो, पर्वत, आकाश र हरियालीले बनाएको अनुपम दृश्यले यहाँ आउने सबैलाई मन्त्रमुग्ध बनाएको छ। खुला आकाशबाट हिमशृंखलाका टिका टुप्पोहरू प्रष्ट देखिनु र चारैतिर फैलिएको शान्त वातावरणले फोटोकार र पर्वतप्रेमीहरूलाई आकर्षित गरिरहेको छ।
स्थानीय तथा आन्तरिक पर्यटनमा गजराम पर्वतको लोकप्रियता दिनानुदिन बढ्दै गएको छ र यहाँको मनोरम सूर्योदय दृश्य सामाजिक सञ्जालमा छरिएका तस्विर–भिडियोमार्फत व्यापक दर्शकसम्म पुगेको छ।
फोटो फिचरमा सूर्य उदाउने क्षणका विभिन्न मनमोहक पानाहरू समावेश गरिएको छ, जसले प्राकृतिक सौन्दर्यको अनुपम अनुभूति प्रदान गर्दछ।
