बोली समाचारदाता ।
जनकपुरधाम, फागुन १८ – जनकपुरधाममा जारी BYD चौथो अन्तरस्कुल टी-२० क्रिकेट प्रतियोगिता अन्तर्गत आज भएका खेलहरूमा हिमाली स्कुल र एर्रे इन्टरनेशनल स्कुल विजयी भएका छन्।
पहिलो खेल: हिमाली स्कुल बनाम मिट स्कुल
आजको पहिलो खेल मिट स्कुल र हिमाली स्कुल बीच भयो। टस जितेर ब्याटिङ रोजेको मिट स्कुलले ८६ रन मात्र बनाउन सफल भयो। हिमाली स्कुलका लागि मो. हसन र अमित रोयले समान २ विकेट लिँदै बलिङमा उत्कृष्ट प्रदर्शन गरे।
८७ रनको लक्ष्य पछ्याएको हिमाली स्कुलले ६ विकेट गुमाएर ८९ रन बनाएर जित हात पार्यो।
- हिमालीका लागि सनराज साहले २२ रन र अमित रोयले १८ रनको योगदान गरे।
- मिट स्कुलका बलर सारंग ठाकुरले ३ विकेट र आयुस सिंहले २ विकेट लिए।
- म्यान अफ दि म्याच हिमाली स्कुलका अमित रोय भए।
दोस्रो खेल: एर्रे इन्टरनेशनल स्कुल बनाम अन्नपूर्ण स्कुल
दोस्रो खेलमा एर्रे इन्टरनेशनल स्कुल र अन्नपूर्ण स्कुल आमनेसामने भए। टस जितेर पहिले फिल्डिङ रोजेको अन्नपूर्ण स्कुललाई एर्रे इन्टरनेशनलले १७२ रनको लक्ष्य दियो।
- युवराज साहले ३५ बलमा ५५ रन र कृष्णा मण्डलले १५ बलमा ३० रन प्रहार गरे।
- अन्नपूर्णका बलर उमाशंकर साहले ४ विकेट लिए।
जवाफी ब्याटिङमा अन्नपूर्ण स्कुल १३.४ ओभरमै ६९ रनमा अलआउट भयो।
- अन्नपूर्णका लागि आनन्द साहले २५ रन र अमनले १८ रन बनाए।
- एर्रेका बलर धीरेन्द्र यादव र निलेशले समान ४-४ विकेट लिए।
- म्यान अफ दि म्याच एर्रेका युवराज साह घोषित भए।
प्रतियोगिताबारे जानकारी
- प्रतियोगितामा १६ विद्यालयले सहभागिता जनाएका छन्।
- खेलहरू ICC मान्यता अनुसार सञ्चालन भईरहेका छन्।
- जनकपुर स्पोर्ट्स क्लब र न्यू भिजन नेपाल को आयोजनामा प्रतियोगिता भइरहेको छ।
भोलीका खेलहरू
- पहिलो खेल: न्यू भिजन स्कुल बनाम गोगल प्रसाद विद्यालय।
- दोस्रो खेल: मदर टेरेसा पब्लिक स्कुल बनाम सिटी मोन्टेसरी।
प्रतियोगिता झनै रोमाञ्चक बन्दै गएको छ, जसले युवा खेलाडीहरूलाई आफ्नो प्रतिभा देखाउने अवसर प्रदान गरिरहेको छ।
